منشیات مقدمے میں 7 پولیس اہلکاروں کی تنخواہ بند کرنے کا حکم
پشاور کی انسداد دہشت گردی کی خصوصی عدالت میں منشیات مقدمے کی سماعت کے دوران عدالت نے 7 پولیس اہلکاروں کی تنخواہ بند کرنے کا حکم دے دیا۔
کیس کی سماعت اے ٹی سی جج ولی محمد خان نے کی، ایس ایچ او حضرت حیات خان، ایڈیشنل ایچ او شاہ زیب خان سمیت 7 پولیس اہلکار مقدمے میں بطور گواہ نامزد ہیں۔
پراسیکیوشن کا کہنا ہے کہ تمام گواہان مقدمے کے دوران پیش نہیں ہو رہے تھے، عدالت نے ساتوں پولیس اہلکاروں کی تنخواہیں بند کر دیں، عدالت نے پولیس کے ہر افسر کو مراسلہ لکھ دیا۔
عدالت نے پولیس اہلکاروں کی تا حکم ثانی تنخواہ بند کرنے کا حکم دیا، کیس کی مزید سماعت 26 جنوری تک ملتوی کردی۔
Load/Hide Comments
