ڈیرہ اسماعیل خان، خودکش دھماکے میں 3 افراد جاں بحق، 7 زخمی

ڈیرہ اسماعیل خان میں قریشی موڑ کے قریب خودکش دھماکے میں 3 افراد جاں بحق اور 7 زخمی ہوگئے ہیں۔

ڈسٹرکٹ پولیس آفیسر (ڈی پی او) نے خودکش دھماکے کی تصدیق کی اور بتایا کہ دھماکے بعد فائرنگ بھی ہوئی۔

پولیس حکام کے مطابق دھماکا امن کمیٹی کے سربراہ نور عالم محسود کے گھر پر شادی کی تقریب کے دوران ہوا۔

پولیس کا کہنا ہے کہ دھماکے کے زخمیوں کو ڈی ایچ کیو ٹراما سینٹر منتقل کیا گیا ہے۔