کراچی میں موسم خشک و سرد، کوئٹہ میں درجۂ حرارت منفی 2 ریکارڈ

آئندہ 24 گھنٹوں کے دوران شہرِ قائد میں موسم خشک اور رات میں سرد رہنے کا امکان ہے۔

محکمۂ موسمیات کے مطابق گزشتہ 24 گھنٹوں کے دوران کراچی میں کم سے کم درجۂ حرارت 12 ڈگری سینٹی گریڈ ریکارڈ کیا گیا۔

آئندہ 24 گھنٹوں کے دوران زیادہ سے زیادہ درجۂ حرارت 27 ڈگری سینٹی گریڈ تک رہنے کا امکان ہے۔

شہر کی ہوا میں نمی کا تناسب 54 فیصد ریکارڈ ہوا ہے۔

دوسری جانب صوبۂ بلوچستان کے دارالخلافہ کوئٹہ میں آج کم سے کم درجۂ حرارت منفی 2 ڈگری سینٹی گریڈ ریکارڈ کیا گیا۔

درجۂ حرارت قلات میں منفی 4، نوکنڈی میں 5، سبی میں 7، گوادر میں 10 اور تربت میں 12 ڈگری سینٹی گریڈ ریکارڈ کیا گیا۔