پی ٹی آئی کے 13 سال میں کرپشن بڑھ گئی ہے، سکندر شیرپاؤ

قومی وطن پارٹی کے صوبائی چیئرمین سکندر شیرپاؤ نے کہا ہے کہ تحریک انصاف کے 13 سال میں کرپشن بڑھی ہے۔

چارسدہ میں جلسے سے خطاب میں سکندر شیرپاؤ نے کہا کہ خیبر پختونخوا میں بے روزگاری تشویشناک حد تک بڑھ چکی ہے، صوبے میں بےامنی بدترین شکل اختیار کر چکی ہے۔

انہوں نے کہا کہ پی ٹی آئی کے 13 سالہ دور میں کرپشن میں اضافہ ہوا، خیبر پختونخوا میں لاکھوں بچے اسکولوں سے باہر ہیں، صوبے کی یونیورسٹیاں دیوالیہ ہونے کے قریب ہیں۔

قومی وطن پارٹی کے صوبائی چیئرمین نے مزید کہا کہ ضلع میں ریسکیو 1122 کی خالی عمارت کا افتتاح کیا گیا، جس میں نہ گاڑیاں ہیں اور نہ ہی اہلکار ہیں۔