شمالی کوریا:غیر ملکی میڈیا دیکھنے کی پاداش میں بچوں کی سرعام سزائے موت

کراچی (نیوز ڈیسک) انکشاف ہوا ہے کہ شمالی کوریا میں لوگوں کو ’’اسکوئڈ گیم‘‘ جیسے جنوبی کوریائی ڈرامے دیکھنے اور ’’کے پاپ‘‘ موسیقی سننے پر سرعام سزائے موت دی جا رہی ہے۔ ایمنسٹی انٹرنیشنل نے انکشاف کیا ہے کہ اسکول کے بچے بھی اپنے جنوبی ہمسایہ کے مقبول میڈیا دیکھنے اور سننے پر سخت سزا کا سامنا کر رہے ہیں۔ جو لوگ کم جونگ اُن کے حکومت سے فرار ہونے میں کامیاب ہوئے، انہوں نے بتایا کہ چھوٹے بچوں کو ان کے اپنے ہم عمر افراد کی سرِعام سزائے موت دیکھنے پر مجبور کیا جارہا ہے، تاکہ انہیں یہ انتباہ دیا جاسکے کہ غیرملکی میڈیا کا استعمال نہ کریں۔