سانحہ اسلام آباد کے بعد لاہور میں سیکیورٹی ہائی الرٹ

سانحہ اسلام آباد کے بعد  لاہور میں سیکیورٹی ہائی الرٹ کر دی گئی۔

اس حوالے سے سی سی پی او لاہور بلال صدیق کمیانہ کا کہنا ہے کہ امام بارگاہوں، مساجد اور دیگر مذہبی مقامات کی سیکیورٹی کے خصوصی اقدامات کیے گئے ہیں۔

انہوں نے کہا کہ پبلک مقامات اور مارکیٹوں میں سیکیورٹی کے بہترین انتظامات کیے جائیں، شہر کے داخلی اور خارجی راستوں کی نگرانی مزید سخت کی جائے۔

سی سی پی او لاہور کا کہنا ہے کہ سپروائزری افسران فیلڈ میں متحرک رہیں، متواتر مانیٹرنگ جاری رکھیں، پولیس ٹیمیں ہاٹ اسپاٹ ایریاز کی خصوصی نگرانی کریں۔

 بلال صدیق کمیانہ نے کہا کہ سیف سٹی اتھارٹی کے کیمرا نیٹ ورک کے ذریعے شاہراہوں اور اہم مقامات کی نگرانی جاری رکھی جائے، عوام کسی بھی مشکوک سرگرمی کی فوری اطلاع 15 یا قرینی تھانے میں دیں۔

واضح رہے کہ وفاقی دارالحکومت اسلام آباد میں مسجد و امام بارگاہ کے اندر خودکش دھماکے کے نتیجے میں 31 افراد شہید اور 170 سے زائد زخمی ہو گئے ہیں۔