کمرشل سرگرمیاں حکومت کا کام نہیں، وفاقی وزیر نجکاری

وفاقی وزیر نجکاری محمد علی نے کہا ہے کہ کمرشل سرگرمیاں حکومت کا کام نہیں ہے، پاکستان کا ملازم طبقہ ٹیکس کا بوجھ اٹھاتا ہے۔

کراچی میں میڈیا سے گفتگو میں وفاقی وزیر نے کہا کہ پاکستان کی معیشت کا بڑا حصہ ڈاکومنٹ نہیں، اس کی وجہ سے کرپشن ہوتی ہے۔ ٹیکس سسٹم ڈاکومنٹیشن ہونے تک ٹھیک نہیں ہوسکتا، ملکی معیشت کو ڈاکومینٹ کرنا مشکل نہیں ہے۔

وفاقی وزیر نجکاری نے مزید کہا کہ ٹیکس کا پیسا حکومت نقصان پورا کرنے میں خرچ کر رہی ہے، کمرشل سرگرمیاں حکومت کا کام نہیں ہے۔

اُن کا کہنا تھا کہ حکومت ٹیکس کے پیسے سے بزنس کر رہی ہے جو اس کا کام نہیں، پاکستان میں 10کروڑ کی آبادی پر مشتمل صوبہ ہے۔ پاکستان کا ملازم طبقہ ٹیکس کا بوجھ اٹھاتا ہے۔