سسرالیوں کے تشدد سے خاتون جاں بحق، موت کو ہارٹ اٹیک قرار دیکر دفنا دیا گیا
لاہور کے علاقے گرین ٹاؤن میں خاتون سسرالیوں کے مبینہ تشدد کے نتیجے میں جان کی بازی ہار گئی۔
پولیس کے مطابق سسرالیوں نے خاتون کی موت کو ہارٹ اٹیک قرار دے کر دفنا دیا، خاتون کے بھائی نے اندراجِ مقدمہ کے لیے پولیس کو درخواست دی ہے۔
مقتول خاتون کے بھائی نے پولیس کو بیان میں بتایا ہے کہ بہن کے چہرے اور جسم پر تشدد کے واضح نشانات تھے، قوی شک ہے کہ بہن کو قتل کر کے معاملہ چھپایا گیا ہے۔
درخواست گزار بھائی کا کہنا ہے کہ بہن کی تدفین کے بعد ہمیں اس کے مرنے کی اطلاع دی گئی۔
پولیس کے مطابق قتل سمیت واقعے کی مختلف پہلوؤں سے تحقیقات کی جا رہی ہیں۔
Load/Hide Comments
