شوہر نے مبینہ طور پر جوان بیوی کو تیزاب پلا دیا

سرگودھا کے نواحی گاؤں 126 شمالی میں شوہر نے مبینہ طور پر جوان بیوی کو تیزاب پلا دیا۔

پولیس کے مطابق متاثرہ لڑکی کو اسپتال منتقل کردیا گیا ہے جبکہ ملزم فرار ہے۔

پولیس کا کہنا ہے کہ ملزم شوہر کی تلاش اور تحقیقات جاری ہیں۔

دوسری جانب بہاولپور میں گوٹھ مہرو کے قبرستان سے 12 سال کے گمشدہ لڑکے کی لاش پولیس نے برآمد کرلی۔

پولیس کے مطابق لڑکا 3روز پہلے دکان سے چیز لینے گیا تھا اور پھر گھر نہیں لوٹا تھا، والد نے متوفی بیٹے سے زیادتی کا شک ظاہر کیا ہے۔

پولیس کا کہنا ہے کہ اس کیس میں میڈیکل کرایا جائے گا۔