صدر آصف زرداری اور اماراتی نائب صدر شیخ محمد بن راشد المکتوم کی ملاقات

صدر مملکت آصف علی زرداری نے متحدہ عرب امارات (یو اے ای) کے نائب صدر شیخ محمد بن راشد المکتوم سے ملاقات کی۔ اس موقع پر پاکستان یو اے ای کے دو طرفہ تعلقات مزید مستحکم بنانے پر تبادلہ خیال کیا گیا۔ 

صدر پاکستان نے دبئی کی سیاحت اور ابھرتی ٹیکنالوجیز کے عالمی مرکز کے طور پر ترقی کو سراہا۔ دونوں رہنماؤں نے بندرگاہوں، لاجسٹکس، انفرا اسٹرکچر، آئی ٹی اور دیگر شعبوں میں تجربے سے استفادہ پر گفتگو کی۔ 

صدر آصف زرداری نے شیخ محمد بن راشد المکتوم کو پاکستان کے دورے کی دعوت بھی دی۔