مریم نواز کیخلاف گندی اور گھٹیا مہم چلائی جا رہی ہے: عظمیٰ بخاری

وزیرِ اطلاعات پنجاب عظمیٰ بخاری کا کہنا ہے کہ وزیرِ اعلیٰ پنجاب مریم نواز کے خلاف گندی اور گھٹیا سوشل میڈیا مہم چلائی جا رہی ہے، یہ مہم فتنہ پارٹی کی سوشل میڈیا بریگیڈ چلا رہی ہے۔

اپنے ویڈیو بیان میں صوبائی وزیر عظمیٰ بخاری کا کہنا ہے کہ نام نہاد یوٹیوبر بھگوڑے اس مہم کے پیچھے ہیں، جب ان کے خلاف کوئی ایکشن ہو تو اسے سیاسی انتقام بنا دیا جاتا ہے یا کہا جاتا ہے کہ آزادیٔ اظہارِ رائے پر قدغن لگائی جا رہی ہے۔

انہوں نے کہا کہ مریم نواز کے خلاف 2014ء سے گند بَکا جا رہا ہے، مریم نواز پنجاب کے عوام کی خدمت کر رہی ہیں۔

صوبائی وزیر نے کہا کہ ہم سیاسی بات کریں گے کیونکہ ہم سیاسی لوگ ہیں۔

ان کا کہنا ہے کہ میرا سوال ہے کیا باقی وزیرِ اعلیٰ رکشہ استعمال کرتے ہیں؟ فتنہ فساد پارٹی کا وزیرِ اعظم 55 روپے فی کلو میٹر قیمت سے بنی گالہ کی شٹل سروس چلاتا تھا؟