میئر کراچی کا رات گئے شہر کے مختلف علاقوں کا دورہ

میئر کراچی بیرسٹر مرتضیٰ وہاب نے رات گئے شہر کے مختلف علاقوں کا دورہ کرکے سڑکوں کی بحالی کے کام کا معائنہ کیا۔ 

مرتضیٰ وہاب نے ہدایت کی کہ ترقیاتی کام مقررہ وقت میں مکمل کیے جائیں، انفراسٹرکچر کے ساتھ ساتھ شہر کی شاہراہوں کو خوبصورت بنایا جائے۔

میئر کراچی کا کہنا تھا کہ شہریوں کو اب واضح تبدیلی نظر آنی چاہیے، یہ سال تبدیلی کا سال ہے، کراچی والے جلد اثرات محسوس کریں گے۔