وزیرِ اعظم دورۂ قطر مکمل کر کے اسلام آباد پہنچ گئے

وزیرِ اعظم شہباز شریف دورۂ قطر مکمل کر کے اسلام آباد پہنچ گئے۔

اس سے قبل وزیرِ اعظم شہباز شریف نے امیرِ قطر شیخ تمیم بن حمد الثانی سے ملاقات کی جس میں امیرِ قطر نے اقتصادی شراکت داری کو اعلیٰ اسٹریٹجک سطح تک بڑھانے کے عزم کا اعادہ اور اہم علاقائی مسائل پر قریبی روابط برقرار رکھنے پر اتفاق کیا۔

اس ملاقات میں نائب وزیرِ اعظم و وزیر خارجہ اسحاق ڈار اور فیلڈ مارشل سید عاصم منیر بھی موجود تھے۔

وزیرِ اعظم شہباز شریف نے قطر کے وزیرِ اعظم، نائب وزیرِ اعظم، وزیرِ مملکت برائے بیرونی تجارت اور قطر بزنس مین ایسوسی ایشن کے وفد سے بھی ملاقات کی تھی۔