پنجاب اسمبلی میں اپوزیشن ارکان نے کاغذی جہاز اپنے مائیکس پر نصب کرلیے

پنجاب اسمبلی میں کاغذی جہازوں نے اڑان بھری، اپوزیشن ارکان نے  نعرے لگائے اور کاغذ کے جہاز مائیکس پر نصب کرنے کے بعد ایوان میں اڑا دیے۔

اپوزیشن کے ساتھ ساتھ پیپلز پارٹی کے ارکان نے بھی حکومت سے سوالات کیے۔

پی پی پی کی رکن شازیہ عابد نے ایوان میں اظہار خیال کرتے ہوئے کہا کہ کسی مہمان نےجنوبی پنجاب کا دورہ کرنا ہو تو کیا 11 ارب والا جہاز مل جائے گا؟

وزیرِ اطلاعات پنجاب عظمیٰ بخاری نے جواب میں کہا کہ بلاول بھٹو زرداری سندھ حکومت کا جہاز لے کر پھر سکتے ہیں تو یہ جہاز پنجاب حکومت کا ہے، جیسے مرضی استعمال کریں۔