ایران امریکا جنگ کے اثرات سوئی ناردرن سسٹم پر بھی آنے لگے: ذرائع سوئی نادرن

ذرائع سوئی نادرن کا کہنا ہے کہ ایران امریکا جنگ کے اثرات سوئی ناردرن سسٹم پر بھی آنے لگے ہیں۔

ذرائع سوئی نادرن کا کہنا ہے کہ لاہور سمیت پنجاب بھر میں گیس کی غیر اعلانیہ لوڈ مینجمنٹ شروع ہوگئی ہے اور صارفین کو گیس کی عدم دستیابی کا سامنا ہے۔

سوئی نادرن گیس کے حکام کا کہنا ہے کہ باقاعدہ لوڈشیڈنگ کا شیڈول فی الحال جاری نہیں کیا گیا ہے۔سحری اور افطاری کے اوقات اولین ترجیح ہے، باقی اوقات میں گیس کا پریشر کم کر دیا ہے۔

حکام نے کہا کہ پریشر کم ہونے سے گنجان آبادی والے گھروں کو گیس فراہمی میں تعطل آسکتا ہے۔

انہوں نے مزید بتایا ہے کہ آر ایل این جی کی سپلائی 800 ملین کیوبک فٹ سے 200 ملین کیوبک فٹ پر آگئی ہے۔

سوئی نادرن گیس کے حکام کا یہ بھی کہنا ہے کہ عید کے بعد حالات دیکھ کر فیصلہ کریں گے۔