شادی کی تقریب میں ہوائی فائرنگ کرنے پر دلہن مشکل میں پھنس گئی

راولپنڈی پولیس نے تھانا مندرہ کے علاقے گوہڑہ میں شادی کی تقریب میں ہوائی فائرنگ کرنے والی دلہن کو گرفتار کرلیا، دلہن کے پاس اسلحہ کا لائسنس بھی نہیں تھا۔

دلہن کی ہوائی فائرنگ کی ویڈیو وائرل ہوئی، جس پر پولیس نے مقدمہ درج کرکے گرفتار کرلیا۔

پولیس کا کہنا ہے گرفتار لڑکی سے 30 بور پستول برآمد کرلیا گیا یے جبکہ موقع پر موجود لڑکی کے ہمراہ لڑکا فرار ہونے میں کامیاب ہوگیا ہے، جس کی تلاش جاری ہے۔