آذربائیجان نے ایران کیلئے 200 ٹن امدادی اشیاء روانہ کردیں

باکو(نیوز ڈیسک)آذربائیجان نے ایران کیلئے 200ٹن امدادی اشیا روانہ کردیں، عالمی میڈیا کی رپورٹس کے مطابق آذربائیجان نے ایران پر مسلط کردہ جنگ کے دوران ایران کیلئے انسانی امداد کی ایک اور کھیپ روانہ کی ہے، 200ٹن امدادی پیکج میں 190 ٹن غذائی سامان، 7 ٹن ادویات اور 3 ٹن طبی سامان شامل ہے۔ یہ کھیپ آذربائیجان کے صدر الہام علییوف کی ہدایت پر بھیجی گئی ہے تاکہ ہمسایہ اور دوست ایران کے لوگوں کی موجودہ ضروریات کو پورا کیا جا سکے۔