پڈعیدن میں مال گاڑی پٹڑی سے اتر گئی، ٹرینوں کی آمد و رفت متاثر

شہداد پور سے روہڑی جانے والی مال گاڑی کی دو بوگیاں پڈعیدن کے قریب پٹری سے اتر گئیں جس کے نتیجے میں ریلوے ٹریفک متاثر ہوا ہے۔

ریلوے حکام کے مطابق مال گاڑی میں پتھر لوڈ تھے، حادثے کے بعد ڈاؤن ٹریک بند ہو گیا اور متعدد ٹرینوں کی آمد و رفت متاثر ہوئی ہے جبکہ رحمٰن بابا ایکسپریس کو پڈعیدن اسٹیشن پر روک لیا گیا۔

ٹریک کی بحالی کے لیے لاکھارہوڈ سے ریلیف ٹرین طلب کر لی گئی ہے۔

ریلوے حکام کا کہنا ہے کہ بحالی کا کام جاری ہے اور ٹریک کو جلد بحال کرنے کی کوشش کی جا رہی ہے۔