کراچی: قیوم آباد کے 24 سالہ شہریار کا کتے کے کاٹنے سے انتقال

کراچی کے علاقے قیوم آباد کا 24 سال کا شہریار ریبیز کے باعث جناح اسپتال میں انتقال کر گیا۔

جناح اسپتال کے ایمرجنسی انچارج ڈاکٹر عرفان صدیقی نے بتایا ہے کہ شہریار کو 2 ماہ قبل کتے نے کاٹا تھا، کتے کے کاٹنے کے بعد شہریار نے ریبیز سے بچاؤ کی ویکسین نہیں لگوائی تھی۔

ڈاکٹر عرفان صدیقی کا کہنا ہے کہ نیورومیڈیسن ٹیم نے مریض کا معائنہ کیا، دورانِ علاج مریض جانبر نہ ہو سکا۔

محکمۂ صحت سندھ نے کہا ہے کہ رواں سال سندھ میں 18 افراد ریبیز کے باعث انتقال کر چکے ہیں۔