کراچی میں پیشہ ور گداگروں اور نشئیوں کیخلاف کریک ڈاؤن، ترجمان کمشنر

کراچی میں پیشہ ور گداگروں اور منشیات کے عادی افراد کے خلاف کریک ڈاؤن شروع کردیا گیا ہے۔ 

ترجمان کمشنر کراچی کا کہنا ہے کہ شہر کے مختلف علاقوں سے 33 پیشہ ور گداگر اور منشیات کے عادی افراد گرفتار کرلیے گئے ہیں۔ 

انہوں نے بتایا کہ کمشنر کراچی کی ہدایت پر گرفتار تمام افراد کو ایدھی سینٹر کے سپرد کردیا گیا ہے۔ 

کمشنر کراچی حسن نقوی نے ہدایت کی ہے کہ پیشہ ور گداگری کی روک تھام کیلئے تمام اضلاع میں مؤثر اقدامات کیے جائیں۔