بلاول بھٹو زرداری سے ملاقات کیلئے تیار ہیں: ترجمان تحریک تحفظ آئین پاکستان

ترجمان تحریک تحفظ آئین پاکستان اخونزادہ حسین یوسفزئی نے کہا ہے کہ بلاول بھٹو زرداری سے ملاقات کے لیے تیار ہیں۔

جیو نیوز سے گفتگو کرتے ہوئے اخونزادہ حسین یوسفزئی کا کہنا تھا کہ علامہ ناصر عباس کو پیپلز پارٹی کی قیادت نے ملاقات کا کہا ہے۔ 

ترجمان اپوزیشن اتحاد نے کہا کہ بلاول بھٹو نے وزیراعلیٰ خیبر پختونخوا کو سندھ آمد پر خوش آمدید کہا اور جیسے ہی پی ٹی آئی کا قافلہ کراچی کے قریب پہنچا تو سڑکیں کھود دی گئیں۔

ان کا کہنا تھا کہ پی ٹی آئی کارکنوں کی گرفتاری ہوئی، ہراساں کیا گیا۔ پیپلز پارٹی کو اپنی پوزیشن کلیئر کرنی چاہیے۔

اخونزادہ حسین یوسفزئی نے کہا کہ اگر ہم ان قوتوں کے خلاف مشترکہ جدوجہد میں نہیں آئیں گے تو پھر کیسے سفر آگے بڑھے گا؟ 

انہوں نے بتایا کہ بلاول بھٹو زرداری وطن واپس آئیں گے تو رابطہ ہوگا، اس میں سب چیزیں طے ہو جائیں گی۔