والد کو مبینہ طور پر زہر دینے کی سازش، نوجوان جیل منتقل
بہاولپور میں والد کو مبینہ طور پر زہر دینے کی سازش کرنے والا نوجوان جوڈیشل ریمانڈ پر جیل بھیج دیا گیا۔
نوجوان طالب علم نے والد کو مبینہ طور پر زہر دینے کا طریقہ اے آئی سے پوچھا، تو این سی سی آئی اے نے ملزم کو گرفتار کرلیا۔
ملزم کو گزشتہ ہفتے موبائل فون کی لوکیشن کی مدد سے تھانہ سمہ سٹہ کی حدود سے گرفتار کیا گیا تھا۔
گرفتاری کے بعد ملزم کو پہلے بہاولپور سے اسلام آباد اور پھر لاہور لایا گیا، جہاں اس سے تفتیش کی گئی۔
این سی سی آئی اے نے تفتیش مکمل کرنے کے بعد ملزم کو جوڈیشل ریمانڈ پر جیل بھیج دیا ہے۔
Load/Hide Comments
