وزیرِاعظم شہباز شریف کا بلاول بھٹو سے ٹیلیفونک رابطہ

وزیرِ اعظم شہباز شریف کا بلاول بھٹو زرداری سے ٹیلیفون پر رابطہ ہوا ہے۔

ذرائع کے مطابق بلاول بھٹو زرداری حالیہ پاک بھارت تنازع کے پیشِ نظر وفد کے ہمراہ یورپ کا دورہ کریں گے۔

ذرائع نے بتایا ہے کہ بلاول بھٹو زرداری اپنے دورے کے دوران عالمی برادری کو بھارتی جارحیت سے آگاہ کریں گے۔

ذرائع کے مطابق وزیرِ اعظم شہباز شریف نے بلاول بھٹو زرداری کی سربراہی میں اعلیٰ سطح کی کمیٹی قائم کر دی۔

ذرائع نے مزید بتایا ہے کہ کمیٹی میں سابق وفاقی وزیر خرم دستگیر، حنا ربانی کھر، جلیل عباس جیلانی شامل ہیں۔

ذرائع کا یہ بھی کہنا ہے کہ کمیٹی وفد کی صورت میں مختلف ممالک کا دورہ کر کے پاکستان کا مؤقف پیش کرے گی۔