نیپرا نے کے الیکٹرک کیلئے رائٹ آف کلیمز کی مد میں 50 ارب روپے کی منظوری دے دی

کے الیکٹرک کی جانب سے بجلی بلز وصولیوں میں ناکامی کے معاملے پر نیشنل الیکٹرک پاور ریگولیٹری اتھارٹی (نیپرا) نے کے الیکٹرک کیلئے رائٹ آف کلیمز کی مد میں 50 ارب روپے کی منظوری دے دی۔

نیپرا نے یہ منظوری کے الیکٹرک کے ملٹی ایئر ٹیرف2017 تا 2023 سے متعلق دی، کے الیکٹرک نے 2016-17 سے 2022-23 کیلئے 76 ارب روپے کے رائٹ آف کلیمز جمع کروائے تھے۔

نیپرا نے کے الیکٹرک کی درخواست پر سماعت کے بعد فیصلہ محفوظ کر رکھا تھا، نیپرا نے فیصلہ نوٹیفکیشن کیلئے وفاقی حکومت کو بھجوا دیا۔

دوران سماعت کیس افسر نیپرا نے آگاہ کیا تھاکہ اسٹیک ہولڈرز نے کے الیکٹرک درخواست کی مخالفت کی ہے، کے الیکٹرک حکام نےکہا امن و امان، کچی آبادیوں کی وجہ سے 100 فیصد بلز کی وصولی ممکن نہیں، کے الیکٹرک حکام کا موقف تھا کہ بجلی مہنگی ہونے کی وجہ سے بلوں کی ریکوری میں کمی ہوئی۔