پشاور میں پرانی عمارت گرگئی، ملبے تلے 5 افراد دب گئے

خیبر پختونخوا کے شہر پشاور  کے علاقے صدر میں پرانی عمارت گر گئی، ملبے تلے 5 افراد دب گئے ہیں۔

ترجمان کے مطابق ریسکیو 1122 کی ٹیمیں موقع پر پہنچ گئی ہیں، صدر بازار میں جی پی او کے سامنے عمارت کا ایک حصہ گر گیا، جس کے نتیجے میں ملبے تلے 5 افراد دب گئے، 2 کو تشویشناک حالت میں نکال لیا گیا۔

ترجمان ریسکیو 1122 کا کہنا ہے کہ زخمیوں کو طبی امداد کے بعد اسپتال منتقل کیا جا رہا ہے۔