جعلی ادائیگی پر جنسی تعلق، بلجیم میں فراڈی گاہک ریپ کا مجرم قرار

برسلز (اے ایف پی) جعلی ادائیگی پر جنسی تعلق،بلجیم میں فراڈی گاہک ریپ کا مجرم قرار، عدم ادائیگی رضامندی کی نفی ،دھوکا دہی سےجنسی تعلق قانوناً ریپ ہے، اپیل کورٹ کا تاریخی فیصلہ ، بلجیم کی اینٹورپ کورٹ آف اپیل نے ایک غیر معمولی فیصلے میں ایک شخص کو جنسی کارکن کے ساتھ جعلی ادائیگی کے ذریعے جنسی تعلق قائم کرنے پر ریپ کا مجرم قرار دے دیا ہے۔ عدالت کے مطابق ملزم نے بینک ایپ پر جعلی یا نامکمل ٹرانزیکشن دکھا کر خاتون کو دھوکا دیا، جس کے نتیجے میں رضامندی قانونی طور پر موجود نہیں رہی۔ یہ پہلا موقع ہے کہ ادائیگی سے انکار یا جعلی رسید کو براہِ راست ریپ کے مترادف قرار دیا گیا۔ عدالت نے واضح کیا کہ بیلجین قانون کے تحت اگر جنسی تعلق دھوکا دہی یا قابلِ سزا فعل کے نتیجے میں ہو تو اسے رضامندی نہیں کہا جا سکتا۔