وزیرِ اعظم نے تیل کی قیمتوں کا جائزہ لینے کیلئے 18 رکنی کمیٹی تشکیل دیدی
امریکا اور اسرائیل کے ایران پر حملے کے بعد عالمی منڈی میں تیل کی قیمتوں میں اضافہ ہو گیا ہے۔
بین الاقوامی مارکیٹ میں تیل کی قیمتیں بڑھنے پر وزیرِ اعظم شہباز شریف کی جانب سے تیل کی قیمتوں کا جائزہ لینے کے لیے 18 رکنی کمیٹی تشکیل دے دی گئی ہے۔
جاری کردہ نوٹیفکیشن کے مطابق کمیٹی جنگ کی وجہ سے پاکستان کی معشیت کا جائزہ لے گی۔
وزیرِ خزانہ محمد اورنگزیب کمیٹی کے کنویئنر ہوں گے جبکہ کمیٹی میں وزیرِ پیٹرولیم، وزیرِ توانائی، وزیرِ مملکت خزانہ اور مختلف وزارتوں کے سیکریٹریز، گورنر اسٹیٹ بینک، چیئرمین ایف بی آر، چیئرمین اوگرا اور دیگر حکام شامل ہیں۔
نوٹیفکیشن کے مطابق کمیٹی تیل کی سپلائی اور قیمتوں پر مسلسل نظر رکھے گی، پیٹرولیم سپلائی متاثر نہ ہونے کے لیے حکمت عملی تیار کی جائے گی۔۔ طویل جنگ کی صورت میں معاشی اثرات کا بھی جائزہ لیا جائے گا۔
Load/Hide Comments
