آبنائے ہرمز بند، ملک میں پیٹرول و ڈیزل فروخت میں کفایت شعاری منصوبہ شروع

آبنائے ہرمز کی بندش کے بعد ملک میں پیٹرول اور ڈیزل فروخت میں کفایت شعاری منصوبہ شروع کر دیا گیا۔

پیٹرولیم ڈیلرز ایسوسی ایشن کے رہنما سمیر حسین نے کہا ہے کہ تیل کمپنیز نے پیٹرول پمپس کو مرضی سے خریداری روک دی ہے۔

سمیر حسین نے مزید کہا ہے کہ گزشتہ ماہ تیل فروخت اوسط کے حساب سے تیل سپلائی کی جا رہی ہے۔

سمیر حسین نے یہ بھی کہا ہے کہ پی ایس او پمپس کو فروری کی اوسط سیل کے حساب سے تیل دے رہی ہے۔

اس حوالے سے توانائی ماہرین کا کہنا ہے کہ آبنائے ہرمز بند ہونے کے سبب یہ حکمت عملی مناسب ہے۔

دوسری جانب ایران اسرائیل جنگ کے دوران اتوار کے بعد سے7 آئل ٹینکروں کو آبنائے ہرمز اور اس کے اطراف میں نشانہ بنایا جا چکا ہے۔