مہنگی توانائی لینے سے بہتر ہے ہم لوڈ مینجمنٹ کرلیں، علی پرویز ملک

وزیر پیٹرولیم علی پرویز ملک نے کہا ہے کہ مہنگی توانائی لینے سے بہتر ہے کہ ہم لوڈ مینجمنٹ کرلیں۔

علی پرویز ملک کا کہنا تھا کہ  مارچ تک ہمیں سسٹم میں کوئی مسئلہ دکھائی نہیں دے گا۔ خطے میں غیر معمولی صورت حال ہے جس کی لپیٹ میں کئی ممالک آگئے ہیں۔

انہوں نے کہا کہ قطر ایل این جی نے ہمیں بتادیا کہ مزید کارگو ابھی نہیں دے رہے۔

وفاقی وزیر کا کہنا تھا کہ گیس کے برعکس تیل کا ہم نے ذخیرہ کرلیا ہے۔ کوئی پمپ ذخیرہ اندوزی میں ملوث پایا گیا تو سخت ایکشن لیں گے۔