آیت اللّٰہ خامنہ ای شہادت ناقابل قبول، اسلامی ممالک پر حملے بھی قابل ستائش نہیں: طاہر اشرفی

چیئرمین پاکستان علماء کونسل حافظ طاہر محمود اشرفی نے کہا ہے کہ آیت اللّٰہ خامنہ ای، اسکولوں میں بچے اور بچیوں کی شہادت ناقابل قبول ہے جبکہ ایران کی جانب سے اسلامی ممالک پر حملے بھی کسی صورت قابل ستائش نہیں۔

اپنے بیان میں حاظ طاہر اشرفی کا کہنا تھا کہ امریکا اور اسرائیل کی جانب سے ایران پر حملے کی مذمت کرتے ہیں۔

ان کا کہنا تھا کہ محمد بن سلمان نے ایران کو بتادیا تھا کہ سعودی زمین ایران کے خلاف استعمال نہیں ہوگی۔

چیئرمین پاکستان علما کونسل نے کہا کہ ایران کے صدر نے اسلامی ممالک سے اپنی غلطی کا اظہار کرتے ہوئے معذرت کی۔

ان کا کہنا تھا کہ پاکستان کی سعودی عرب اور ترکیہ کےلیے امن کی کوششیں قابل ستائش ہیں۔

حافظ طاہر اشرفی نے کہا کہ فیلڈ مارشل عاصم منیر اور سعودی وزیر دفاع کی ملاقات بہتر سمت میں قدم ہے۔