وزیر اعظم کی نواز شریف سے ملاقات، پیٹرولیم مصنوعات کی قیمتوں، طلب اور رسد پر گفتگو

وزیر اعظم شہباز شریف نے مسلم لیگ ن کے سربراہ نواز شریف سے ملاقات کی ہے۔

وزیراعظم نے لاہور میں جاتی اُمراہ میں نواز شریف سے ملاقات کی جس میں وزیر اعلیٰ پنجاب مریم نواز بھی شریک تھیں۔

ملاقات میں پیٹرولیم مصنوعات کی قیمتوں، طلب اور رسد پر تبادلہ خیال کیا گیا۔

خیال رہے کہ گزشتہ روز حکومت نے پیٹرولیم مصنوعات میں بڑا اضافہ کیا جس پر عوام نے شدید ردعمل کا اظہار کیا اور پیٹرولیم قیمتوں میں کمی کا مطالبہ کیا۔

حکومت نے پیٹرول اور ڈیزل کی قیمت میں 55، 55 روپے فی لیٹر اضافہ کردیا۔