میر رضا کیس: کیمیکل ایگزامن رپورٹ آگئی، تشدد اور شناخت چھپانے کی کوشش کا انکشاف

میر رضا کیس میں کیمیکل ایگزامن رپورٹ میں انکشاف کیا گیا ہے کہ ان پر تشدد کیا گیا ہے، جبکہ میر رضا کی شناخت چھپانے کی کوشش کی گئی۔

میر رضا کی کیمکل ایگزامن اور ڈی این اے رپورٹ کی کاپی موصول ہوگئی جس کے مطابق میر رضا کے جسم سے تیزاب کے شواہد ملے ہیں۔ میر رضا کے ہاتھوں کے فنگر پرنٹ موجود نہیں۔

رپورٹ میں شرٹ پر گولی لگنے کے دو سوراخوں کی نشاندہی ہوئی ہے۔ شرٹ کے پچھلے حصے پر گولی کا سوراخ تھا، شرٹ کے سامنے بھی گولی کا بڑا سوراخ موجود تھا۔

کیمیکل رپورٹ میں شرٹ سے تیزاب کے ذرات بھی ملنے کا انکشاف ہوا ہے۔ شرٹ پر گن شاٹ ریزیڈیو سے متعلق عناصر کی موجودگی سامنے آگئی۔