بابوسر ٹاپ پر موسمِ سرما کی پہلی برف باری

بابوسر ٹاپ پر موسمِ سرما کی پہلی برف باری شروع ہو گئی۔

وادیٔ کاغان کے پہاڑوں پر ہلکی برف باری ہوئی۔

اُدھر صوابی اور گردونواح میں بارش سے موسم خوشگوار ہو گیا۔

راولپنڈی میں تیز بارش،  واسا کا ہائی الرٹ جاری

دوسری جانب راولپنڈی میں تیز بارش شروع ہونے کے بعد واسا نے ہائی الرٹ جاری کر دیا۔

واسا حکام کے مطابق نشیبی علاقوں میں ہیوی مشینری کے ساتھ اضافی ٹیمیں تعینات کر دی گئی ہیں، محکمۂ موسمیات نے آئندہ 2 روز میں شدید بارش کا امکان ظاہر کیا ہے۔

حکام کا کہنا ہے کہ مجموعی طور پر اب تک 12 ملی میٹر بارش ریکارڈ کی گئی، نالہ لئی میں پانی کی سطح کی مسلسل مانیٹرنگ جاری ہے۔