مصری وزیرِ خارجہ کا اسحاق ڈار سے ٹیلیفونک رابطہ

مصری وزیرِ خارجہ بدر عبد العاطی نے وزیرِ خارجہ اسحاق ڈار سے ٹیلیفون پر رابطہ کیا ہے، اس موقع پر خطے کی کشیدگی میں کمی، امن و استحکام کی بحالی کی کوششوں پر بات ہوئی۔

عرب میڈیا کے مطابق پاکستانی اور مصری وزرائے خارجہ نے علاقائی صورتحال میں ہونے والی پیش رفت پر تبادلہ خیال کیا۔

دونوں جانب سے تنازع پھیلنے سے روکنے کے لیے سفارتی کوششیں تیز کرنے کی ضرورت پر بھی زور دیا گیا۔

پاکستان اور مصری وزرائے خارجہ نے خطے میں استحکام کے لیے قریبی مشاورت جاری رکھنے پر بھی اتفاق کیا۔