بلوچستان کابینہ کی پاسکو سے 5 لاکھ بوری گندم کی خریداری کی منظوری
بلوچستان کابینہ نے پاسکو سے 5 لاکھ بوری گندم کی خریداری کی منظوری دے دی۔
محکمہ کموڈیٹی مینجمنٹ کے مطابق گندم کی خریداری کے لیے محکمہ خزانہ سے رقم ریلیز نہیں ہوئی۔ کابینہ اجلاس کی منٹس موصول ہونے کے بعد محکمہ خزانہ کو ادائیگی کےلیے مراسلہ لکھا جائے گا۔
سی ایم ڈی کے مطابق رقم ریلیز ہونے کے بعد گندم کی خریداری کے لیے پاسکو سے رابطہ کر کے مفاہمت کی یادداشت (ایم او یو) سائن کیا جائے گا۔
محکمہ کموڈیٹی مینجمنٹ کا کہنا ہے کہ پاسکو سے گندم کی خریداری کے لیے تقریباً ایک مہینہ لگ سکتا ہے۔
بلوچستان میں فلار ملز مالکان کو گندم کی عدم دستیابی کے باعث آٹے کی قیمتوں میں ریکارڈ اضافہ ہوا ہے۔
Load/Hide Comments
