اسلام آباد میں احتجاج روکنے کیلئے کنٹینرز کی پکڑ دھکڑ، ادویات بھرے کنٹینرز بھی تحویل میں

اسلام آباد میں احتجاج روکنے کیلئے کنٹینرز کی پکڑ دھکڑ شروع ہوگئی۔ 

کنٹینر مالکان کا کہنا ہے کہ اسلام آباد پولیس نے ادویات سے بھرے کنٹینرز بھی تحویل میں لے لیے۔

کنٹینر مالکان نے کہا ہے کہ کنٹینرز راولپنڈی اور اسلام آباد کیلئے ادویات لے کر آئے تھے۔ گرمی کے باعث کنٹینرز میں موجود ادویات خراب ہونے کا خدشہ ہے۔

مالکان کا کہنا ہے کہ پولیس نے ہم سے کنٹینرز کی چابیاں اور کاغذات بھی لے لیے ہیں۔ ڈرائیونگ لائسنس، بلٹی رسید سمیت دیگر دستاویزات بھی پولیس نے لے لیں۔