کرک: گیس لیکیج سے دھماکا، بچی و خاتون جاں بحق، 10 افراد زخمی

کرک میں گھر کے اندر گیس کی لیکیج سے ہوئے دھماکے میں بچی اور خاتون جاں بحق جبکہ 10 افراد زخمی ہو گئے۔

ریسکیو ترجمان کے مطابق آلوڑگی بانڈہ کے علاقے میں گھر میں گیس لیکیج سے دھماکا ہو گیا، جس کے نتیجے میں ماں اور 2 سالہ بیٹی موقع پر جاں بحق ہو گئیں۔

ریسکیو ترجمان نے بتایا ہے کہ دھماکے میں 10 افراد زخمی بھی ہوئے ہیں، جن میں بچے اور خواتین بھی شامل ہیں، تمام زخمیوں کو ڈسٹرکٹ ہیڈ کوارٹر اسپتال منتقل کر دیا گیا ہے۔

ریسکیو ترجمان کے مطابق  گیس لیکیج سے ہوئے دھماکے سے گھر کی عمارت کو بھی شدید نقصان پہنچا ہے۔