صومالیہ میں شہید پاکستانیوں کے لواحقین میں فی کس 2 کروڑ 60 لاکھ روپے کے چیک تقسیم

گورنر سندھ نے صومالیہ میں شہید پاکستانیوں کے لواحقین میں فی کس 2 کروڑ 60 لاکھ روپے کے چیک تقسیم کردیے۔ 

اس حوالے سے جاری اعلامیہ کے مطابق چیک شہید محمود انصاری، شہید سید کاشف عمر اور شہید رفیع اللّٰہ خان کے لواحقین کو دیے گئے۔

گورنر سندھ نہال ہاشمی نے وزیراعظم کی خصوصی ہدایت پر وفاقی حکومت کی جانب سے چیک تقسیم کیے۔ گورنر سندھ نے شہداء کے لواحقین کو مالی معاونت اور پلاٹ کے لیے چیک پیش کیے۔

شہید رفیع اللّٰہ خان کے بھائی نے کہا کہ حکومت نے مشکل کی گھڑی میں شہداء کے خاندانوں کا ساتھ دیا ہے۔

اعلامیہ کے مطابق لواحقین نے صومالیہ سے شہداء کی میتیں پاکستان واپس لانے کے لیے حکومتی اقدامات کو بھی سراہا۔