وزیراعظم کا طالبہ کی مبینہ خود کشی کے معاملے کا نوٹس، ملزم کی فوری گرفتاری کا حکم

وزیراعظم شہباز شریف نے طالبہ لائبہ اعجاز کی مبینہ خود کشی کے معاملے کا نوٹس لے لیا۔ وزیراعظم نے کہا کہ طالبہ کی مبینہ خود کشی انتہائی افسوسناک واقعہ ہے۔

اسلام آباد سے جاری سرکاری اعلامیہ کے مطابق وزیراعظم نے آئی جی اسلام آباد اور چیف کمشنر کو فراڈ کے ملزم کو فوری طور پر حراست میں لینے کا حکم دیا۔ 

اعلامیہ کے مطابق وزیراعظم نے کہا کہ ملزم کو فوری طور پر گرفتار اور قانون کے مطابق قرار واقعی سزا دی جائے گی۔