مسجد اقصیٰ کی تاریخی و قانونی حیثیت کو چیلنج کرنا ناقابل قبول ہے، پاکستان
پاکستان نے مسجد اقصیٰ سے متعلق اسرائیلی اشتعال انگیزیوں کی شدید مذمت کی ہے۔
ترجمان دفتر خارجہ نے اس حوالے سے کہا کہ مسجد اقصیٰ کی تاریخی اور قانونی حیثیت کو چیلنج کرنا ناقابل قبول ہے، اسرائیل کے ایسے اقدامات بین الاقوامی قوانین کی کھلی خلاف ورزی ہیں۔
ترجمان دفتر خارجہ نے کہا کہ پاکستان مسجد اقصیٰ سمیت تمام مقدس مقامات کے تقدس کے تحفظ کا مطالبہ کرتا ہے۔
ترجمان نے کہا اسرائیلی قابض افواج کے غزہ میں اسکول پر حملے کی بھی شدید مذمت کرتے ہیں، غزہ میں اسکول پر حملے میں بچوں سمیت درجنوں افراد جاں بحق ہوئے۔
ترجمان دفتر خارجہ نے کہا اسرائیل کے جنگی جرائم پر عالمی برادری کو بیدار ہونا ہوگا، اسرائیل کو فوری طور پر حملے روکنے اور اس کا احتساب یقینی بنایا جائے۔
ترجمان نے کہا فلسطینیوں کے حق خود ارادیت کی غیر متزلزل حمایت جاری رکھیں گے۔ فلسطینی ریاست 1967 کی سرحدوں کے ساتھ القدس الشریف کو دارالحکومت بنایا جائے۔
