لیاری گینگ وار کا دہشت گرد نوید کپی پولیس مقابلے میں ہلاک

کراچی کے ضلع ملیر کے علاقے شاہ لطیف ٹاؤن میں پولیس نے مقابلے کے بعد لیاری گینگ وار کے دہشت گرد نوید کپی کو ہلاک کر دیا۔

پولیس کے مطابق ملزم کے ساتھی مقابلے کے دوران فرار ہونے میں کامیاب ہو گئے۔ ہلاک ہونے والا نوید کپی، بھتہ خوری، ڈکیتی، اسٹریٹ کرائم اور متعدد سنگین وارداتوں میں بھی ملوث رہا ہے۔

پولیس کا کہنا ہے کہ ہلاک ملزم کا شمار منظم جرائم پیشہ گروہ کے کارندوں میں ہوتا تھا۔

پولیس نے جائے وقوعہ سے ایک رائفل گن، 1ماؤزر گن، موبائل فون اور نقد رقم برآمد کی ہے۔

ہولیس کے مطابق ہلاک ملزم کا تفصیلی کرمنل ریکارڈ چیک کیا جا رہا ہے، نوید عرف کپی کے خلاف متعدد مقدمات درج ہیں۔