آئی ایم ایف نے بیچ چوراہے بھانڈا پھوڑ ڈالا: مصطفیٰ نواز کھوکھر

اپوزیشن رہنما و سابق سینیٹر مصطفیٰ نواز کھوکھر کا کہنا ہے کہ حکومت جس طرح نظام چلارہی ہے، آئی ایم ایف نے بیچ چوراہے بھانڈا پھوڑ ڈالا۔

اسلام آباد میں پریس کانفرنس کرتے ہوئے انہوں نے کہا کہ اس وقت ملک میں آئین، قانون اور عدلیہ ہر چیز بے معنی کر دی گئی۔

مصطفیٰ نواز کھوکھر نے کہا کہ ضمنی الیکشن میں جو کچھ ہوا، آج ہم نے عوام سے ووٹ کا حق چھین لیا، جس ملک میں 5 ہزار ارب سے 6 ہزار ارب کی کرپشن ہو وہاں کیا حال ہے۔

ان کا کہنا ہے کہ آزاد کشمیر میں اراکین کو دوسری پارٹی میں شامل کیا گیا، بانیٔ پی ٹی آئی اس وقت ایک سیاسی حقیقت ہیں، ملک میں غیر یقینی کی صورتِ حال پیدا ہو گئی ہے۔