کے ایم سی شہر میں 46 ارب روپے خرچ کرے گی: میئر کراچی مرتضیٰ وہاب

میئر کراچی مرتضیٰ وہاب نے کہا ہے کہ اس سال کے ایم سی شہر میں 46 ارب روپے خرچ کرے گی۔

انہوں نے کہا ہے کہ اولڈ سٹی ایریا کو جدید شہری سہولیات سے آراستہ کرنا اولین ترجیح ہے، چند ہفتوں میں پانی کی فراہمی کے لیے کام شروع کردیا جائے گا۔

ان کا کہنا تھا کہ اولڈ سٹی ایریا میں مختلف ترقیاتی کاموں کا سنگِ بنیاد بھی رکھ دیا۔

مرتضیٰ وہاب نے کہا کہ پانی چوری پر اسپیشل کورٹ بنائیں گے، چوری میں ملوث پرائیویٹ اور سرکاری افراد کے خلاف کارروائی ہوگی۔