تیز رفتار بس اور رکشہ کے درمیان تصادم، 6 افراد جاں بحق
ٹوبہ ٹیک سنگھ کے نواحی علاقے رجانہ میں تیز رفتار بس اور رکشہ کےدرمیان تصادم میں تین خواتین سمیت 6 افراد جاں بحق اور 3 افراد شدید زخمی ہوگئے۔
ریسکیو ذرائع کےمطابق سمندری روڈ پر فیصل آباد سےآنے والی تیز رفتار مسافر بس رکشہ سے ٹکرا گئی۔ حادثےمیں رکشہ کو شدید نقصان پہنچا۔
حادثےکے بعد بس ڈرائیور فرار ہو گیا۔ لاشوں اور زخمیوں کو اسپتال منتقل کردیا گیا ہے، جہاں زخمیوں کی حالت تشویشناک ہے۔
پولیس نے جائے حادثے پر پہنچ کر تحقیقات شروع کردی ہیں۔
Load/Hide Comments
