ہتھیار اُٹھانے، لوگوں کو شہید کرنے والے ملک دشمن ہیں، بیرسٹر گوہر

چیئرمین پی ٹی آئی بیرسٹر گوہر کا کہنا ہے کہ جو ہتھیار اٹھاتا ہے، جو لوگوں کو شہید کرتے ہیں وہ اس ملک کے دشمن ہیں۔

بیرسٹر گوہر نے قومی اسمبلی میں خطاب کہا کہ دہشتگردی میں بھارت کا ہاتھ ہے، دہشتگردی کی پاکستان میں کوئی جگہ نہیں ہے۔

ان کا کہنا تھا کہ کسی دہشتگرد کو سرچھپانے کی جگہ نہیں ملے گی، شہداء کا خون کبھی رائیگاں نہیں جائے گا۔

علاوہ ازیں پیپلز پارٹی کے رہنما راجا پرویز اشرف کا کہنا تھا کہ نہتے لوگوں کو قتل کرنے سے بڑا کوئی ظلم نہیں ہے۔

انہوں نے کہا کہ دہشتگردی نے پاکستان کے لوگوں کو بہت تکلیف پہنچائی ہے، دہشتگردی ایک ظلم ہے جو خوشحالی اور ترقی کو تباہ کردیتا ہے۔