بابر یا بابری مسجد کے نام پر مساجد کی تعمیر روکنے کی درخواست مسترد

کراچی (نیوز ڈیسک) بھارتی سپریم کورٹ نے اس درخواست پر غور کرنے سے انکار کر دیا جس میں یہ ہدایت دینے کا مطالبہ کیا گیا تھا کہ پورے بھارت میں مغل بادشاہ بابر یا بابری مسجد کے نام پر کسی بھی مسجد یا مذہبی ڈھانچے کی تعمیر، قیام یا نام رکھنے سے روکا جائے۔ جسٹس وکرم ناتھ اور جسٹس سندیپ مہتا پر مشتمل بینچ نے اس معاملے کی سماعت میں ناگواری کا اظہار کیا۔