آج خطبات جمعہ یوم عزم استحکام پاکستان کے عنوان پر ہوں گے، طاہر اشرفی

چیئرمین پاکستان علما کونسل علامہ طاہر اشرفی نے کہا ہے کہ علما کونسل نے فیصلہ کیا آج خطبات جمعہ یوم عزم استحکام پاکستان کے عنوان پر ہوں۔

جیو نیوز سے بات کرتے ہوئے علامہ طاہر اشرفی نے کہا کہ برادر اسلامی ممالک نے افغان قیادت کو کہا آپ دشمن کے آلہ کار نہ بنیں۔

انہوں نے کہا کہ دشمن ہماری فوج کا میدان میں مقابلہ نہیں کرسکتا اسلیے ملک میں دہشت گردی کروا رہا ہے۔

طاہر اشرفی نے کہا کہ طالبان نے دہشت گردوں کے خلاف کارروائی نہیں کی لیکن اب پاکستان کرے گا، پاکستان اب فیصلہ کرچکا کہ ملک میں مزید خون اب نہیں بہنے دیں گے۔