پنجاب کے تمام اضلاع میں ’اینٹی ڈرون یونٹ‘ قائم کرنے کا فیصلہ

پنجاب کے تمام اضلاع میں ’اینٹی ڈرون یونٹ‘ قائم کرنے کا فیصلہ کیا گیا ہے۔

لاہور میں ترجمان محکمۂ داخلہ پنجاب کی جانب سے جاری بیان میں کہا گیا ہے کہ اینٹی ڈرون یونٹ اسپیشل ڈرون فلیٹس کی مدد سے ضلع کی فضائی نگرانی کریں گے۔

ہر ضلع کے ڈی پی او کی سربراہی میں’اینٹی ڈرون یونٹ‘ اور ’اینٹی ڈرون سسٹم‘ قائم کیے جائیں گے۔

ترجمان محکمۂ داخلہ نے مزید کہا ہے کہ اینٹی ڈرون سسٹم جیمرز کی مدد سے دشمن اور شر پسند عناصر کے ڈرونز کو ناکارہ بنائیں گے۔

پنجاب بھر میں آؤٹ ڈور ڈرون اُڑانے پر پہلے ہی دفعہ 144 نافذ ہے۔

ترجمان نے یہ بھی کہا ہے کہ حکومتِ پنجاب نے سیکیورٹی خدشات کے پیشِ نظر عوامی سطح پر ڈرون کے استعمال پر پابندی عائد کی ہے۔