ہمیں بتایا جائے کہ پیٹرول کی قیمت کس طرح بڑھائی گئی: جنید اکبر خان

پاکستان تحریک انصاف (پی ٹی آئی) کے رکن قومی اسمبلی جنید اکبر کا کہنا ہے کہ ہمیں بتایا جائے کہ پیٹرول کی قیمت کس طرح بڑھائی گئی۔

قومی اسمبلی کے اجلاس میں اظہارِ خیال کرتے ہوئے انہوں نے کہا کہ یہ حکومت عوام کے ووٹوں سے نہیں آئی، مشکل حالات صرف پاکستان میں نہیں بلکہ پوری دنیا میں ہیں۔

جنید اکبر خان کا کہنا ہے کہ ابھی صرف پیٹرول کی قیمت بڑھی ہے آنے والے دنوں میں مہنگائی مزید بڑھے گی۔

پی ٹی آئی کے رہنما نے کہا کہ بدقسمتی یہ ہے کہ یہاں حکومت صرف ایک دوسرے کی تعریفوں میں لگی ہوئی ہے۔ یہ سیاست میں صرف اس لیے آئے کیوں کہ انہوں نے پیسے کمانے تھے۔