وزیراعظم نے بلاول بھٹو کو امریکا ایران جنگ بندی پر اعتماد میں لیا

وزیراعظم شہباز شریف نے امریکا ایران جنگ بندی اور اسلام آباد مذاکرات سے متعلق چیئرمین پاکستان پیپلز پارٹی بلاول بھٹو زرداری کو اعتماد میں لیا ہے۔

شہباز شریف اور بلاول بھٹو زرداری کے درمیان ٹیلیفونک رابطہ ہوا۔ اس موقع پر بلاول بھٹو نے مؤثرسفارت کاری پر وزیراعظم شہباز شریف اور انکی ٹیم کی کاوشوں کو سراہا۔

چیئرمین پاکستان پیپلز پارٹی نے کہا کہ پاکستان کی بہترین سفارتی حکمت عملی کی بدولت دنیا پر ایک عالمی جنگ کا خطرہ ٹل گیا۔ 

دوران گفتگو وزیراعظم نے امریکا ایران جنگ بندی اور اسلام آباد مذاکرات سے متعلق بلاول بھٹو زرداری کو اعتماد میں لیا۔